梧：
其實「282事件」正正就係話俾大家聽，國安法並非無敵⋯⋯
壹傳媒（以下簡稱282）旗下嘅蘋果日報（仲有香港蘋果動新聞）即將要停刊幾乎已經成為既定事實，而網路上嘅comment亦都係一片風聲鶴唳。在下明白大家對於香港唯一嘅反共/求真/whatever媒體被完全打壓感到好氣餒，但係難道而家就係香港媒體嘅末日？
Fucking hell no！
喺在下嘅角度睇黎，黎智英係用咗佢同佢公司嘅慘痛教訓，為所有香港嘅傳媒人上咗寶貴嘅一課。
點解？
大家首先要明白，282點解可以被國安處一Q清袋？答案其實出奇地簡單——因為282嘅大部份資產同股權架構（包括上市控股公司，現金同銀行account）都係喺香港⋯⋯想知道嘅人自己睇282嘅Annual Report啦，在下唔想再浪費時間去解釋。
然而，國安處一開波就可以拉晒282所有嘅香港公司嘅董事（包括黎智英），甚至後來可以凍結埋控股公司股份同埋銀行帳戶。好恐怖？不如，大家再想一想——如果282嘅控股公司喺Cayman Islands嘅話，國安處可以咁容易就達到拉人封艇呢個目的嗎？佢剩係要Cayman Islands政府做嘢都要玩幾年啦（因為無任何雙邊協議），起碼唔可以好似而家咁立刻凍結公司嘅股份先。
第二個問題係，282大部分嘅金融資產（包括cash）都擺喺香港嘅子公司度，國安處一凍就可以凍死晒⋯⋯連員工嘅糧都出唔到，搞到出唔到報紙，要shut down。好悲哀yes，但係呢個結果係咪無可避免？
唔係。
其實呢，香港嘅法例對於傳媒機構嘅成立同運作其實係可以話近乎零監管，除咗出版報紙需要符合cap 268之外，真係無架啦（除非你要開電視台啦，咁就多幾條cap）；網路傳媒甚至係無任何監管的。
所以，喺之前所講嘅前提下，喺香港做傳媒嘅公司係咪都會好似282咁比人一搞就散？唔係。只要有適當嘅離岸控股架構（在下稱之為「護城河」），就可以確保公司就算面對國安法嘅打壓仍然可以繼續運行。
首先，將香港嘅媒體公司嘅shareholding擺係海外——Cayman Islands夠唔夠？就算好似蘋果日報咁，國安處凍結香港境內嘅一切（包括銀行戶口），佢其實只係可以搞到香港成立嘅公司。只要連集團嘅treasury function都係喺香港以外（say 台灣或新加坡），同埋絕大部份嘅錢擺喺國外嘅話，國安處係無可能凍結到香港以外嘅嘢，因為國安法只係對香港嘅jurisdiction有效；香港以外就無用。但係同時間，香港公司需要有死士駐守（ie 香港公司嘅董事），就算係拉，都只能夠拉香港公司嘅董事，海外機構集團嘅人係拉唔到。就算拉到人，佢凍結唔到海外銀行戶口嘅話，係依然可以利用海外戶口繼續出糧同找數，直接從海外戶口匯款入去就得。
以上呢樣嘢對私人公司已經有好足夠嘅保護，喺282上市公司嘅level，第二道護城河就係喺瑞士整一間信託基金，將香港控股公司嘅股份hold住，就保障到香港政府用國安法可以拉到香港公司嘅董事，而郁唔到任何嘅最終股東。
最壞嘅打算，就係用crypto找數同出糧，完全bypass晒香港嘅銀行體系。有咩國安法都無用。
國安法唔係無敵架各位，因為佢只係對內有效，所以只要將架構放喺香港以外嘅jurisdiction嘅話，國安法等同廢物。講完。
say yes香港 在 思源香港点心Say Yes Hong Kong Dim Sum - Home | Facebook 的推薦與評價
思源香港点心，纯手制的香港点心。 No.66, Jalan Sutera Tanjung 8/3, Taman Sutera Utama, Skudai, Johor Bahru, Malaysia, 81300 Skudai, Johor, Malaysia. ... <看更多>